Үндэсний батлан хамгаалахын их сургуулийн докторантурын өдрийн ангид “Батлан хамгаалах”, “Цэргийн шинжлэх ухаан”, “Аюулгүй байдал судлал”-ын чиглэлээр элсэн суралцах 35 хүртэлх насны магистрын зэрэгтэй офицер, ахлагч, төрийн албан хаагчдын сонгон шалгаруулалтыг 2024 оны 9 дүгээр сард зохион байгуулна.
Сонгон шалгаруулалтад оролцох офицер, ахлагч, төрийн алба хаагчид нь элсэлтийн шалгалтад оролцох хүсэлтээ харьяа анги, байгууллагадаа гаргаж шийдвэрлүүлэн, “Үндэсний батлан хамгаалахын их сургуульд доктор бэлтгэх журам”-ын 2.8-д заасны дагуу доорх материалыг бүрдүүлж, 2024 оны 08 дугаар сарын 20-ны дотор БХЯ-ны Шинжлэх ухаан технологийн зөвлөлд ирүүлнэ.
Бүрдүүлэх материалын жагсаалт:
- Иргэний үнэмлэхийн хуулбар;
- Элсэн суралцах өргөдөл;
- Төрийн албан хаагчийн анкет;
- Магистрын дипломын хуулбар;
- Е-Mongolia – боловсролын бичиг баримтын лавлагаа;
- Цээж зураг 2 хувь зэрэг байна.
Сонгон шалгаруулалтыг Батлан хамгаалахын сайдын тушаалаар томилогдсон комисс “Үндэсний батлан хамгаалахын их сургуулийн магистр, докторын сургалтын журам”-ын 2.6 дахь хэсэгт заасны дагуу авч, үр дүнг нээлттэй зарлана.
Жич: “Батлан хамгаалах яамны захиалгаар Үндэсний батлан хамгаалахын их сургуульд доктор бэлтгэх журам”, “Үндэсний батлан хамгаалахын их сургуулийн магистр, докторын сургалтын журам”-ыг уншиж танилцана уу.
Холбогдох албан тушаалтан:
БХЯ-ны СБТГ-ын БХБТХ-ийн Шинжлэх ухаан, технологи, инновацын бодлогын шинжээч, шинжлэх ухаан, технологийн зөвлөлийн эрдэмтэн нарийн бичгийн дарга, доктор (Ph.D), хошууч Б.Батбаяр. Утас:88029370; 263484